चित्रपटसृष्टीतील नटी. सिनेतारका. आम जनतेला - सुशिक्षित - अशिक्षित अशा तरूण पिढीला - ज्या एका अत्यंत प्रभावशाली कलामाध्यमाचं अधिकात अधिक आकर्षण आहे, ज्या एका सिनेअभिनेत्री - अभिनेत्याच्या व्यवसायाबद्दल अवर्णनीय अशी ओढ, ‘ग्लॅमर आहे, त्या सृष्टीत मला प्रवेश मिळाला - कोणे एके दिवशी, अचानक, अकस्मात, ध्यानी - मनी - स्वप्नीही नसताना, आणि त्या माझे जीवनात मी पूर्णपणे रंगून गेले.
1935 ते 1939 सुरूवातीची 5 वर्षे. किती खडतर वर्षे ती. परिस्थितीशी झंज देण्याची. व्यवसायात योग्य ते स्थान मिळविण्यासाठी जिवाचं रान करून, नेटानं स्वत:ला पुढे रेटून नेण्याची. किती लांबच लांब वाटली ती वर्षे तेव्हा!
