Bangarvadi (बनगरवाडी)

Bangarvadi (बनगरवाडी) | Vyankatesh Madgulkar

मराठी साहित्यक्षेत्रात मैलाचा दगड ठरलेलं असं हे लोकप्रिय पुस्तक. त्यातलं गाव, त्यातली पात्रं, तिथलं वातावरण लेखकानं लहानपणी प्रत्यक्ष अनुभवलेलं. इथल्या वाडय़ावस्त्या, चोहीकडं पसरलेलं माळरान, तिथं वसलेली धनगरवाडी, मेंढरं आणि मेढपाळ ह्यांचं वर्णन, सोबतीला लेखकानं स्वतः काढलेली रेखाचित्रं कादंबरी जिवंत करतात.

माणदेशातल्या एका 'लेंगरवाडी' नावाच्या वाडीवर बेतलेली वाडी. १९३८ साली माडगूळकर त्या गांवी होते तेव्हा तिथल्या अनुभवांचे वर्णन कादंबरीरूपात 'बनगरवाडी' या नावाने आपल्यासमोर येते. माणदेश, मेंढके, त्यांची जीवनपद्धती याबद्दल सांगतानाच तिथल्या लोकांच्या निर्व्याजपणाचे चित्रणही अतिशय समर्थपणे यात येते. स्वत: माडगूळकरही त्याच भागातले. त्यामुळे हे वर्णन अगदी जिव्हाळ्याने येते.