Mahanirvan ( महानिर्वाण )

सतीश आळेकर लिखित दिग्दर्शित महानिर्वाण हे नाटक मराठी रंगभूमीवर अवतरले त्याला आज थोडीथोडकी नव्हे, तर पंचवीस वर्षे झाली, स्थल काल संस्कृतिविशिष्ट संदर्भ असलेले हे नाटक अन्य भारतीय भाषांत अनुवादित व मंचित झाले. अन्वयार्थाच्या अनेक शक्यता व क्षमता सुचविणार्‍या या नाटकाने अभ्यासकांना व रंगकर्मींनाही जणू एक आव्हान दिले. महानिर्वाण च्या आतापर्यंत झालेल्या समीक्षेतून व या नाटकाच्या प्रयोगाशी संबंधित असलेल्या मराठी तसेच परभाषक कलावंतांनी शब्दबध्द केलेल्या निर्मितीच्या कहाण्यातून याचा पुरेपूर प्रत्यय येतो.