Tumachi Amachi May ( तुमची आमची माय )

एका खेड्यातली खात्यापित्या घरातील मुलगी विवाहानंतर सामान्य कुटुंबात येते . ज्या घरात खाण्यापिण्याचे वांधे असतात आणि घराला दाराच्या ऐवजी झोपाटा असतो ,अशा घराला ती आपल्या अंगच्या कर्तृत्वानं आणि कर्तृत्वान नवऱ्याच्या साहाय्यानं गरिबीच्या खातेऱ्यातून बाहेर काढते . देर ,भाये ,नंदा ,जावा यांचं मदतीनं सहा एकर जमिनीची एकशे सहा एकर जमीन करते . सगळ्यांना वाटतं ,तिच्या पायात लक्ष्मी आहे . खरंतर तिच्या मनगटात कर्तृत्व होतं आणि मनात अदम्य विश्वास होता . देवावर तर तिचा विश्वास होताच .
देरभायांपासून वेगळं निघाल्यावर ती आपल्या मुलांना शिकवण्याची जिद्द धरते . एकाला कवी -लेखक ,तर एकाला शास्त्रज्ञ बनवते . आपल्या चारही लेकी खात्यापित्या घरी पडाव्यात अशी व्यवस्था करते . सगळ्या लेकी ,सुनांची पंचवीसके बाळंतपण करून सगळी सांसारिक घेऊन नव्या विश्वात प्रवेश करते . आता कुणा एकाची आई न राहता ती विश्वाची आई होते . एक अध्यात्मिक उंची गाठते .
अशा आईच्या भोवतीच्या वीस माणसांनी दाखवलेले तिच्या आयुष्याचे हे विविध कंगोरे .खऱ्या अर्थाने आजची मदर इंडिया म्हणता येईल अशा प्रातिनिधिक भारतीय स्त्रीचं हे समग्र दर्शन .