Vayphalacha Mala (वायफळाचा मळा)

’वायफळाचा मळा’ या पुस्तकातील निबंध व गोष्टी कै. चिं. वि. जोशी यांनी १९२८ ते १९३४ या कालावधीत लिहिल्या आहेत. हे लेखन केल्याला आता पंचाहत्तरहूनही अधिक वर्षे झाली आहेत. या प्रदीर्घ कालावधीत मराठी वाचकांच्या किमान चार ते पाच पिढयांनी या लेखनाचा आस्वाद मन:पूर्वक घेतला आहे. कै. चिं. वि. जोशी यांच्या लेखनाच्या अभिजाततेची ही जणू पावतीच आहे! विनोदी निबंध व कथा वाचताना वाचक सहसा पुस्तकाच्या प्रस्तावनेकडे लक्ष देत नाही. ’वायफळाचा मळा’ वाचण्याआधी वाचकांनी त्याची प्रस्तावना जरूर वाचावी म्हणजे विनोदाचे सामर्थ्य आणि त्याची अभिजातता यांच्या खुणा त्याच्या सहज लक्षात येतील.