Mahatma Basaveshwar (महात्मा बसवेश्वर)

बसवेश्वरांचे विचार आपल्याला नवा मार्ग दाखविण्यास समर्थ आहेत. समाज एकसंध आणि एकदिल करण्यासाठी समता, ममता आणि वैचारिक चर्चेतील खुलेपणा आपल्याला स्वीकारावा लागेल. लोकशाही केवळ शब्दांमध्ये न राहता तिला प्रत्यक्ष आकार द्यावा लागेल. धार्मिक, सामाजिक, आर्थिक, नैतिक, भाषिक, शैक्षणिक आणि सांस्कृतिक अशा सर्व प्रकारे होणारे शोषण थांबवावे लागेल. पिळवणूक करणार्यांाना ते कितीही उच्चपदस्थ असले तरी वठणीवर आणावे लागेल. त्यासाठी बसवेश्वरांनी प्रतिपादन केलेली व्यक्तीची प्रतिष्ठा, श्रमाची प्रतिष्ठा, सर्वांमध्ये समानता, उदार बुद्धीने वैचारिक देवाणघेवाण करणे आदि मूल्ये मनापासून स्वीकारावी लागतील.