Aapali Mangalagaur (आपली मंगळागौर)

पावसाच्या रिमझिम सरी, हिरवागार निसर्ग, विविध सण, या सर्वांमुळे श्रावणातील वातावरण प्रसन्नता व मांगल्य यांनी भारलेले असते. या अशा दुर्मिळ वातावरणाला जोश आणि ठासून भरलेल्या उत्साहाची जोड मिळते ती, मंगळागौरीच्या खेळांमुळे ! मंगळागौरीच्या खेळांमध्ये सहभाग असतो तो अगदी तरूणींपासून ते साठी उलटलेल्या स्त्रियांचा, आणि तोही सारख्याच उत्साहात ! मंगळागौरीचे खेळ, त्यातील गाणी, काव्ये हा एक प्रकारचा सांस्कृतिक ठेवाच होय.