Ashrunchi Jhali Phule ( अश्रूंची झाली फुले )

जीवनातील सत असत वृत्तीचा संघर्ष हा पुराणकाळापासून साहित्याचा विषय झाला आहे. आजच्या समाजव्यवस्थेत वाममार्गाने अफाट द्रव्यप्राप्ती करणारा वर्ग, या द्रव्यप्र्रप्तीच्या अनुषंगाने येणारी धुंदी आणि सामर्थ्य व त्यामुळे होणारा मानवी मूल्यांचा चुराडा, बुध्दिजीवी वर्गाची ससेहोलपट, त्यांच्या व्यथा हा सारा भाग हा याच संघर्षाचे नवे स्वरूप होय. पैशांबरोबरच भ्रष्टाचारही या धनिक लोकांनी शिक्षणक्षेत्रात आणला. आणि या भ्रष्टाचारात सामील न होणार्‍या विद्यानंद्सारख्या प्राध्यपकाची मुळे जमिनीतून उखडून टाकण्याच्या प्रयत्नात ही माणसे गुंतली. हासर्वच संघर्ष मांडताना वसंत कानेटकर ढोबळ कृत्रिमतेबरोबर एक सूक्ष्म सत्य सूचित करून जातात.