Marathyancha Itihas Granthasuchi ( मराठ्यांचा इतिहास ग्रंथसूची )

ज्या विषयाचा पूर्ण शोध करण्याला शेकडो वर्षेही अपुरी पडावी, त्यांचा शोध शास्त्रोक्त पध्द्तीने तयार केलेल्या ग्रंथसूचीवरून क्षणार्धात लागू शकतो आणि अभ्यासकाच्या मार्गातील विघ्नांचे निराकरण होऊन त्याचा मार्ग सोपा होतो, असे सूचीचे महत्त्व थोर सूचीकार शं. ग. दाते यांनी वर्णन केले आहे, सुमारे अडीचशे वर्षांची व्याप्ती असलेल्या मराठा इतिहासाच्या अभ्यासकांना तर सूची हे वरदानच ठरावे, कारण या विषयात आजवर बरेच संशोधन झाले आहे. अनेक नवनवे संदर्भ उपलब्ध होत आहेत, अनेक इतिहास संशोधकांनी त्यावर भाष्ये केली आहेत, ग्रंथ लिहिले आहेत. पण हे संदर्भ, संदर्भग्रंथ अनेक ग्रंथालयांत विखुरलेले असल्याने सहजपणे उपलब्ध नाहीत. गो.स.सरदेसाईकृत मराठी रियासती चे पुनर्संपादन करताना संदर्भांच्या या अनुपलब्धतेची जाणीव झाली तेव्हा सूचीची आवश्यकता वाटली. आणि मराठ्यांचा इतिहास ग्रंथसूची या ग्रंथांचे प्रकाशन करण्यात आले.