Chicken Soup For The Teenage Soul (चिकन सूप फॉर द टीनएज सोल)

आयुष्याच्या प्रवसात किशोरवय हा नाजूक टप्पा असतो. एकीकडे जाणिवा उमलत असतात; डोळयांत नवी स्वप्नं हसत असतात. त्याच वेळी व्यवहारी जगाचं करकरीत वास्तव समोर येतं. अशा वेळी मनाला सावरणा-या, धीर देणा-या, आधाराचा खंबीर हात देणा-या, उमेद चेतवणा-या, दुखावलेल्या मनावर हळुवार फुंकर घालणा-या, रोवून ठाम उभं राहायला शिकवणा-या या कथा... मनाशी अगदी हळुवार संवाद साधत निखळ मैत्रीची अनुभूती देतात. गालांवर हसू फुलवतात फुलवता नकळत डोळयांच्या कडा ओल्या करतात.