Unhachya Kataviruddha ( उन्हाच्या कटाविरूध्द )

फॅंड्री नावाची कविता रूपेरी पडद्यावर चितारण्यापूर्वी नागराजने शुभ्र कागदावर लिहिलेली आशयसंपृक्त कविता पृथ्वीला सुचणार्‍या झाडांइतकीच सहजजन्मा आहे. तिला मानवी दु:खाच्या नाडीचा जन्मजात नाद आहे आणि तरीही तिच्यात या सनातन बाहेरख्याली उन्हाच्या कटाविरुध्द त्वेषाने फुलण्याचे सामर्थ्य आहे. ही कविता आत्मशोधाच्या वाटेने जाताना इथल्या धर्मसंस्कृती आणि सौंदर्यशास्त्राच्या इमल्यांनाच सुरूंग लावते. प्रत्येकाच्या हातात आपले काळीज ठेवणारी ही कविता इथल्या चेहरा हरवलेल्या गर्दीला आपल्या स्पंदनांची विराणी ऎकवता ऎकवता माणूसपण बहाल करणारी आहे.