Pidhijat Ani Miki Ani Memsaheb ( पिढीजात आणि मिकी आणि मेमसाहेब )

पिढीजात हे सगळ्यात अलीकडचे अतिशय महत्त्वाचे नाटक. आळेकरी शैलीची सर्व वैशिष्ट्ये असलेले हे नाटक एकाच राजकीय, सामाजिक, कौटुंबिक पातळीवरच्या नैतिक घसरणीविषयी बोलते, आणि पुन्हा या घसरणीबद्दल टाहो न फोडता, नीतीमत्तेचे डांगोरे न पिटता या पेचाला सहृदयतेने सामोरे जाते, त्यातली गोची समजून घेते आणि या काळातल्या बाप पिढीची शोकांतिका मांडत पुढल्या पिढीचे न- नैतिक होणेही दाखवते.

मिकी आणि मेमसाहेब या नाटकाचे कथानक प्राध्यापक पती, त्याच्याच हाताखाली लेक्चरर म्हणून काम करणारी त्याची तरूण पत्नी ( मेमसाहेब) काही कारणाने अनेक वर्षे रिसर्च अडकलेला त्याचा विद्यार्थी गुळवणी आणि त्याच्या प्रयोगशाळेतील एक उंदीर ( मिकी) यांच्या भोवती फिरते.