Pather Panchali-(पथेर पांचाली)

‘पथेर पांचाली’ ही पूर्व बंगालमधील एका लहानशा गावात राहणाऱ्या एका गरीब भिक्षुकाच्या कुटुंबाची कहाणी आहे.कहाणीचा काळ एकोणीसाव्या शतकाच्या मध्यावरचा.गावाचे नाव निश्र्चिंदिपुर.सध्याचा पश्र्चिम बंगाल आणि बांगला देश यांच्या सीमेवरचे बांगला देशातले गाव.पूर्व बंगालमधल्या अनेक लहानमोठ्या नद्यांपैकी एका लहानशा नदीच्या काठावर वसलेले.रानावनांनी वेढलेले.या लहानशा गावात जन्मलेला,आणि गावाभोवतालच्या हिरव्यासावळ्या सृजनोत्सुक निसर्गातून शारीरिक आणि मानसिक पोषण घेत वाढणारा लहानगा‘अपू’हा या कादंबरीचा नायक आहे.तरल कल्पनाशक्ती असलेला,सौंदर्यासक्त,हळवा,निरागस अपू आणि त्याचे हळूहळू उमलत जाणारे भावविश्र्व यांची ही कथा आहे.