Samudra (समुद्र)

’शाळा’ आणि ’एकम’नंतर प्रकाशित होणारी मिलिंद बोकील यांची ’समुद्र’ ही तिसरी कादंबरी. नंदिनी आणि भास्कर ता समॄद्ध जीवन व्यतीत करणा-या आनंदी दाम्पत्याची ही कथा. एकमेक एक असे हे दाम्पत्य समुद्र्काठाच्या एका सुदूरच्या रम्य ठिकाणी दोन दिवस निर्वेध राहायला आलेले. नंदिनी सामो-या येऊन गेलेल्या एका अनुभवाचा अभावितपणे उल्लेख करते. भास्कर काहीसा अवाक होतो; तरीही अविचल राहातो. नंदिनीही आहे त्याहून ढळत नाही. खोल आंतरिक समजुतीने एकमेकांना स्वीकारत, शान्तरसात एकरूप झालेल्या दोन जीवांचा, समुद्राच्या सानिध्यात विलक्षणपणे उलगडत जाणा-या त्यांच्या भावबंधाचा उत्कट प्रत्यय इथे येतो. मिलिंद बोकील यांच्या प्रतिभेचे एक नवे रूप प्रकट होताना इथे जाणवते.