Saral Taral (सरल तरल)

मोठ्यांची पुस्तके मुलांसाठी नसतात पण हे पुस्तक मुलांचे पण ते मोठ्यांसाठीही आहे. ज्याचे ज्याचे मन सरल आहे, आणि प्रसंगी तरल होऊ शकते, त्या सगळ्यांसाठी हे पुस्तक. या गोष्टींना वास्तवाचे बंधन नाही. मन हे कुठून कुठेही जाऊ शकते. हवे तर काही निर्माण करते, हवे तर तो खेळ मोडूही शकते. हे पुस्तक वाचण्याची एकच अट - ती म्हणजे वास्तवाने जखडलेले मन मोकळं करायचं. असं कधी असतं का? हा विचार जरा काहीवेळ बाजूला ठेवायचा. रोजचे प्रश्र्न, काळज्या सगळे आपोआप विरघळून जातील, आणि मन होईल, सरल... तरल... असे सगळे झाले तर काय मजा येईल ! कुणाशीच स्पर्धा नाही, कुणाचा मत्सर नाही. इतक्या सुंदर जगात अहंकाराचा गडद रंग हवा तरी कशाला? मग हे पुस्तक वाचण्यासाठीच नाही, तर मन सततच होईल, सरल... तरल...