Dalgandori (दालगंडोरी)

अशोक कोतवाल "दालगंडोरी" या त्यांच्या नव्या वैशिष्ट्यपूर्ण मुक्त गद्याच्या रुपात वाचकांच्या भेटीस येत आहेत. या मुक्त गद्यातून आलेल्या व्यक्तिरेखा जशा विलक्षण आहेत., तशाच हकीकतीही विलक्षण आहेत. त्यामुळे या गद्याला एक गहिरेपणाची डूब आपोआपच मिळते. खरे म्हणजे एखाद्या बहुगुणी जिनसेसारखे याचे स्वरुप आहे. खाद्य संस्कृती, लोकसंस्कृति, लोकगीते, लोककथा, मनस्वी माणसे आणि विलक्षण हकीकती याची सुरेख वीण लेखक तयार करीत जातो. त्यातून त्यांच्या खाद्यप्रिय आणि मनस्वी व्यक्तिमत्वाचेही दर्शन निश्चितच विलोभनीय असेच आहे.