Sant Dnyaneshwar (संत ज्ञानेश्वर)

वयाच्या एकविसाव्या वर्षी संजीवन समाधी घेणारे संत ज्ञानेश्वर म्हणजे साहसाचे, परमोच्च भक्तीचे आणि समर्पणाचे उदाहरण. विश्वातील प्रत्येक प्राणिमात्रांत, सजीव-निर्जीव गोष्टींत केवळ परमेश्वरच पाहा, ही संत ज्ञानेश्वरांनी दिलेली मुख्य शिकवण आहे. आपल्या शक्तींचा, सिद्धींचा उपयोग वैयक्तिक स्वार्थासाठी न करता, इतरांच्या कल्याणासाठी करायला हवा; आपला द्वेष करणाऱ्यांनाही उदार अंत:करणाने क्षमा करून त्यांना भक्तियुक्त प्रतिसाद द्यायला हवा; हा संत ज्ञानेश्वरांच्या जीवनाचा मुख्य संदेश आहे. संत ज्ञानेश्वरांनी रचलेल्या ग्रंथांत, अभंगांत आणि पसायदानात अंतिम सत्याचा शोध घेणाऱ्या साधकाला पडणाऱ्या सर्व प्रश्नांची उत्तरे गवसतात.