La Peste ( ला पेस्त )

फ्रेंच भाषेतील ला पेस्त ( द प्लेग ) ही वैश्विक साहित्यातील एक श्रेष्ठ कलाकृती मानली जाते. प्लेगसारख्या संसर्गजन्य साथीच्या रोगाच्या रूपकाची योजना कम्यूने केली आहे. एका बाजूला रोगराईसदृश उपद्रवी लोक व दुसर्‍या बाजूला पीडित लोक यांतून विसाव्या शतकात गलिच्छ सत्ताकारणीय प्लेग ने जिथेतिथे धूमाकूळ घातला होता, हे लेखकाने ह्या कादंबरीतून स्पष्ट केले आहे. 

प्लेगशी करायचा सामना प्रार्थनेने नव्हे; तर कृतीने जिंकायचा आहे, असे काम्यू म्हणतो. दु:ख आणि मृत्यूच्या दहशतीचे ‘ला पेस्त’ मध्ये प्रातिनिधिक चित्रण आहे. काम्यूच्या संपूर्ण तत्त्वचिंतनाचा गाभा ह्या कादंबरीत उतरला आहे.