Usavan ( उसवण )

ही आहे एका शिंप्याच्या पराभवाची, दु:खाची कहाणी. एका मोठ्या गावात शिंप्याचा धंदा करून पोटापुरता कमाई करणारा विठू हा या कथेचा नायक आहे. शहरात आधीच लोकप्रिय असलेले रेडिमेड कपडे आता खेड्यांतही लोकप्रिय होऊ लागतात आणि त्याचा शिंपी धंद्यावर विपरित परिणाम होऊ लागतो. वस्त्रांबद्दलच्या लोकांच्या अभिरूचीत झालेल्या बदलामुळे विठूचा धंदा बसू लागतो आणि आधीच दारिद्र्यात दिवस काढणार्‍या विठूचे कुटुंब शेवटी उपासमारीच्या खाईत लोटले जाते.