Kokanatil Lokkatha Ani Gajali (कोकणातील लोककथा आणि गजाली)

करमणुकीची साधनं नव्हती तेव्हा गावचे कष्टकरी लोक रात्रीची जेवणं आटोपली की पिंपळपारावर दोन घटका एकत्र जमत. तिथं गप्पा-गजलींची मैफल जमवीत. त्यात त्यांचा जीव रमायचा आणि दिवसभराचा शीणही उतरायचा. त्यांतला कोणी रसाळ गोष्टी वेल्हाळ माणूस मार्मिक गजालींनी त्या मैफलीत अधिकच रंग भरायचा. गोष्टींप्रमाणेच गजालीही रंजक आणि उद्बोधक असतात, याचा प्रत्यय या पुस्तकातील गजाली वाचताना येतो.