Gavajhula (गावझुला)

गावझुला

पावले 
ही पावले कुठे बरे जातात ?
मला याचा शोध घेऊ दे !

कुठेही पाहिले तरी मला पावलेच दिसतात 
आकाशाच्या निळ्या मुलायम रेतीतसुद्धा 
पावलांचे ठसे उमटलेले मी पाहतो. 
अगदी दूरवर, जेथवर दृष्टी जाते तेथवर 
ती त्यांचा पाठलाग करते.
येथील या हवेत, वातावरणात, 
तुमच्या-माझ्या बोलण्यात, हसण्या - रडण्यात 
पावलांचे ठसे उमटलले मला दिसतात. 

काही पावलांचे ठसे तर माझ्या हृदयात 
मी जतन करून ठेवले आहेत.
त्यांची मी पूजा करतो. 
म्हणतो, "कोणत्या वाटांनी तुम्ही गेलात 
सांगा ना मला ! तुमच्या दुःखांचा अंश 
माझ्याही वाट्याला आलेला आहे.
परंतु मला साऱ्या वाटा बंद का ?"
आवाज येतो, "चल तूही चल पावलांबरोबर." __म. म. देशपांडे 

लेखक : श्याम पेठकर 
प्रकाशक : विजय प्रकाशन