Sant Vicharanchi Moulikata ( संत विचारांची मौलिकता )

संत साहित्य हे अखिल भारताचे सांस्कृतिक संचित आहे. भारतीय संस्कृतीचा तो समृध्द वारसा आहे. मराठी संतांनी केलेली संतांनी सामाजिक जागृती, सामाजिक संघटन, पुढील अनेक संघर्षांना तोंड द्यायला आणि त्यातही चिवटवृत्तीने आपली राष्ट्रनिष्ठा जोपासायला कारणीभूत ठरली. सामाजिक परिवर्तनाच्या चळवळीचा ओनामा मध्ययुगीन संतांनीच केला, हे नाकारता येत नाही. नाथ, वारकरी, महानुभाव, लिंगायत, चैतन्य इत्यादी भक्तिपंथांनी संपूर्ण मानवांना माणूस म्हणून जगण्याची शिकवण दिली.