Karna Putra ani Janmarahsya -part 2 (कर्ण पुत्र आणि जन्मरहस्य)

कर्ण पुत्र 
आणि जन्मरहस्य
भाग २ 

कर्णपुत्र आणि अस्त्र' या पहिल्या भागाला आपण जो अभूतपूर्व प्रतिसाद दिलात त्यासाठी आपणा सर्वांचे मनःपूर्वक धन्यवाद. पहिल्या भागासाठी अनेकांनी लिखित अभिप्राय पाठवले. त्या अभिप्रायातून मला काहींनी प्रश्नही विचारले. त्यात सर्वात जास्त जे प्रश्न आले ते म्हणजे, सुवेधच्या जन्माचं रहस्य काय ? तो नक्की कोणाचा पुत्र आहे? नदीकाठावर त्याच्याशी कोण बोलतं? वगैरे. सगळ्यात महत्त्वाचा प्रश्न आला, धर्माक्षीबरोबर त्याचा विवाह दुसऱ्या भागात तरी होणार की नाही ?

प्रस्तावनेत ही कादंबरी काल्पनिक आहे हे सांगूनदेखील अनेकांना ही सत्य घटनेवर आधारित आहे असं वाटलं किंवा वाचताना त्यांना ती तशी वाटली. तर एका चोखंदळ वाचकाने पहिल्या भागाइतकाच किंबहुना त्याहूनही सरस असा दुसरा भाग व्हायला पाहिजे हे ठणकावून सांगितलं. तर आमच्या एका सहृदय मित्राने 'इतर सर्व कामे बाजूला ठेवा, आधी दुसरा भाग पूर्ण करा' असंही सांगितलं.

अशा शेकडो अभिप्रायांमुळे दुसरा भाग लिहिण्यास प्रेरणा मिळाली. मला विश्वास वाटतो की, दुसरा भागही आपल्याला तेवढाच आवडेल, किंबहुना जास्तच भावेल. त्याच्याही प्रतिसादाच्या प्रतीक्षेत मी आहे.

लेखक : मनोज अंबिके 
प्रकाशन : मेहता पब्लिशिंग हाऊस