Kuntiparva (कुंतीपर्व)

कुंतीपर्व

कुंतीच्या जीवनाचं थोडक्यात वर्णन करायचं झाल्यास कुंती म्हणजे धर्मनिष्ठा, कुंती म्हणजे कर्तव्यपरायणता, कुंती म्हणजे सत्यसंघता, कुंती म्हणजे विचक्षणता, कुंती म्हणजे विवेकीपणा, कुंती म्हणजे सेवाभावीपणा, कुंती म्हणजे आदर्श क्षत्राणी वीरमाता, कुंती म्हणजे खरं महानुभावत्व प्रकट करणारं सौहार्द. या सर्व गुणांनी युक्त असलेल्या क्षत्राणी कुंतीपर्वाचा अस्त तिच्या वानप्रस्थाश्रमात दाखवून डॉ. नि. रा. पाटील पिळोदेकर यांनी 'कुंतीपर्व' ही कादंबरी पूर्ण केली आहे. 'कुंतीपर्व' कादंबरीचा पट आणि आशय एवढा मोठा आहे की, तो वरवर न्याहाळून समजून घेणं शक्य नाही. पाटलांचा व्यासंग आणि पौराणिक ग्रंथांचे सूक्ष्म वाचन थक्क करणारे आहे. ही कुंतीची आत्मकथनपर कादंबरी म्हणजे त्यांच्या साक्षेपी संशोधनवृत्तीचे आणि सम्यक चिंतनशीलतेचे लालित्यपूर्ण आविष्करण होय.

लेखक. डॉ. नि. रा. पाटील पिळोदेकर 
प्रकाशक. विश्वकर्मा पब्लिकेशन