Manasshastra (मानसशास्त्र)

मानसशास्त्र :
आंतरवैयक्तिक नातेसंबंध आणि ताण-व्यवस्थापन

"माणूस हा सामाजिक प्राणी आहे" हे वाक्य आपण लहानपणापासून ऐकत आलो आहोत. 
पण सामाजिक असणे म्हणजे नेमके काय? आपल्या आयुष्यातील सुखाचा आणि दुःखाचा 
बराचसा भाग हा आपल्या 'नातेसंबंधांवर' अवलंबून असतो. मग ते नाते मैत्रीचे असो, 
कुटुंबातील असो किंवा कामाच्या ठिकाणचे. हेच नातेसंबंध समजून घेण्याचा एक छोटासा 
प्रयत्न म्हणजे हा ग्रंथ.

हा ग्रंथ लिहिण्यामागचा मुख्य उद्देश केवळ शैक्षणिक माहिती देणे हा नसून, वाचकांना 
त्यांच्या दैनंदिन जीवनातील संघर्षांकडे आणि तणावाकडे पाहण्याचा एक नवा दृष्टिकोन 
देणे हा आहे. आपण नात्यांच्या कोणत्या टप्प्यावर आहोत? आपल्या संवादशैलीत काय 
त्रुटी आहेत? आणि ताणतणावाच्या परिस्थितीत आपण कोसळून न पडता 'साधक वर्तन' 
कसे करू शकतो? या प्रश्नांची उत्तरे शोधण्याचा प्रयत्न या प्रकरणांमधून केला आहे.

एकंदरीत, हा ग्रंथ केवळ सैद्धांतिक माहिती न देता मानवी वर्तणुकीचे व्यावहारिक 
विश्लेषण करतो. हा ग्रंथ मानसशास्त्राचे विद्यार्थी, समुपदेशक आणि मानवी संबंधांत 
रस असणाऱ्या प्रत्येकासाठी दीपस्तंभासारखा ठरेल, अशी खात्री वाटते.

लेखक : प्रा. केशव गाडेकर