Mhatara Paus aani Thadaga (म्हातारा पाऊस आणि थडगं)

म्हातारा पाऊस आणि थडगं 

कृष्णा हा मातीतला, शुद्ध लेखक आहे. अतिशय संवेदनशील निरीक्षणशक्ती लाभलेला. 
निसर्ग, नाती ह्यांवर नितळ माया असणारा. मातीत त्याच्या कलेची लेखनाची मूळं घट्ट रुजली 
आहेत. त्याच्या 'म्हातारा पाऊस’ या दोन अंकी नाटकात सुलू आणि तिचा नवरा हे
उतारवयातील जोडपं, त्यांच्या जगण्याचा पट आपल्यापुढे उलगडतात-कधी हसत खेळत,
एकमेकांना चिमटे काढत, स्मरणरंजनात मशगुल होत आताच्या वास्तवाचा तडाखा थोडा 
सौम्य करू पाहत आहेत. आज त्यांचा पाऊस त्यांच्याच इतका समजूतदार, निर्मळ, 
आणि आज्यासारखा जाणता झाला आहे. हा मायाळू पाऊस, प्रेक्षक, वाचकांना हेलावून 
जाईल ह्यात शंका नाही. 'थडगं' हा दीर्घांक लिहिताना, जितका सखोल तो तरुण, 
कलाकार मुलाचे भावविश्व दाखवतो तितक्याच खोलीने तो बापाचे, आज्याचे अंतरंगही 
उलगडू शकतो. शेतातली एक रात्र एवढाच ह्या दीर्घांकाचा आवाका नाही; तो जो 
अवकाश आपल्यापुढे उभा करतो त्यात तो एक फार मोठा प्रवास मांडतो-तो जो 
गाभ्याला स्पर्श करतो तो विलक्षण आहे. अतिशय सेंद्रिय, अस्सल वाणाचे आणि 
गहिऱ्या समजुतीचे लेखन कृष्णाकडून निरंतर घडत राहो....- चिन्मयी सुमीत

लेखक : कृष्णा यमुना विलास वाळके