छत्रपतींची कारकीर्द पानिपतच्या युध्दानंतर पेशवाई अखेरपर्यंत (१७६१-१८१८) व ईस्ट इंडिया कंपनीच्या कारकिर्दीच्या पूर्वार्धात (१७६५-१८१३) झाली असल्यामुळे अनेक ऎतिहासिक घटनांचा संबंध परस्पराशी आढळतो. थोरल्या छत्रपतींच्या कारकिर्दीनंतर करवीरच्या इतिहासात समर्थपणे राज्यकारभार दुस-या शिवाजी महाराजांनी केला म्हणून त्यांच्या काळातील राजकीय, सामाजिक व आर्थिक जीवनाचा आढावा प्रस्तुत ग्रंथात घेण्याचा प्रयत्न केला आहे.
