Pisantola (पिसांतोला)

पिसांतोला

माणसाला नेमकं काय हवं असतं? त्याची स्वप्नं पूर्ण व्हावीत हे त्याचं स्वप्न असतं. पण, माणसाची स्वप्नं त्याच्या सुखाच्या व्याख्येने तयार झालेली असतात. त्याला अशक्य वाटणाऱ्या गोष्टी विज्ञानाच्या आधारे पूर्ण होऊ शकतात. कितीतरी अशक्य वाटणाऱ्या गोष्टी भविष्यात पूर्ण होतीलही. पण, खऱ्या जीवनाचा अर्थ, काही स्वप्नं सत्यात उतरल्यावरचं त्याचं रूप विज्ञान लख्ख दाखवू शकतं. त्याचा अर्थ, विज्ञान माणसाला मर्यादा समजावून सांगतं. रोबोटमधला माणूस, मृत्यूनंतरही जिवंत राहणं, पाण्यात राहणारी माणसं, कधी गायब होणं तर कधी चौथ्या मितीत अडकणं, कधी इतिहासातला माणूस आजचा वर्तमान तयार करताना बघणं तर कधी ल्युसिड ड्रीमने स्वप्नं तयार करून त्यावर सत्ता गाजवणं अशा विविध विज्ञान संकल्पनांनी भविष्यात घेऊन जाणाऱ्या कथा. माणसाच्या कल्पना, त्याची स्वप्नं आणि सत्य विज्ञान यांची सांगड घालून जीवनाच्या आणि मानवी स्वभावाच्या विविध पैलूंना दाखवणाऱ्या अतिशय मनोरंजक अशा विज्ञान आणि स्पेक्युलेटीव्ह कथांचा हा संग्रह पाचव्या मितीचं दर्शन घडवतो.

लेखक. स्मिता पोतनीस 
प्रकाशक. मेहता पब्लिशिंग हाऊस