Swarmantra ( स्वरमंत्र )

उषा कीर्तने अर्थात राजश्री शहा...

१९५० ते १९७० या दशकातली आकाशवाणीची मान्यताप्राप्त गायिका... मेलडी मेकर्स ची ही पहिली गायिका... जयोस्तुते हे स्वातंत्र्यवीरांचं मातृकवन सर्वप्रथम ज्या स्वरांमध्ये आसमंतात निनादलं, त्यापैकी एक लखखखीत स्वर...

पं. भीमसेन जोशी, विदुषी हिराबाई बडोदेकर या मातब्बर गुरूंकडून स्वरसाधनेचं मर्म ग्रहण करणार्‍या निष्ठावंत स्वरपूजक.... राम कदम, दादा चांदेकर आदींच्या संगीत दिग्दर्शनात स्वत:ला आजमावणार्‍या चैतन्यशील पार्श्वगायिका... 

चित्रपटांसाठी गाऊनही, त्या वलयाऎवजी त्यांनी आपली संगीतकला ज्ञानदानाशी समर्पित केली. हिंदी साहित्यिक, अनुवादक. डॉ. मुरलीधर शहा यांच्या सहधर्मचारिणी बनल्या. या नव्या वाटेवर बाबा आमटे आणि साधनाताई यांच्याशी त्यांनी शहांबरोबर स्वत:लाही जोडून घेतलं.