Ramayanatil Striya : Charitrasangrah (रामायणातील स्त्रिया : चरित्रसंग्रह)

रामायणातील स्त्रिया : चरित्रसंग्रह

लेखिका सौ. प्रमिल वसंत कुलकर्णी यांनी या ग्रंथात ज्ञात-अज्ञात अशा स्त्री पात्रांचे सखोल व अभ्यासपूर्ण चरित्र उलगडले आहे. पूजनीय प्रतिमांच्या पलिकडे जाऊन या स्त्रिया येथे विचारशील, संवेदनशील व संघर्षशील जीवनादर्श म्हणून समोर येतात आणि त्यामुळेच हे पुस्तक म्हणजे स्त्री-अनुभवांचा, त्यागाचा आणि अस्मितेचा शोध घेणारे एक महत्त्वपूर्ण साहित्यकृतीच आहे. केवळ भक्तिपर दृष्टिकोन न ठेवता, ऐतिहासिक, सामाजिक आणि मानवी अंगांनी या स्त्री पात्रांचे दर्शन घडवणे हे या ग्रंथाचे प्रमुख वैशिष्ट्य आहे. जणु काही रामायणातील स्त्रियांचे आवाज या पुस्तकातून सजीव होऊन वाचकाला विचार करायला भाग पाडतात. विशेषतः येथे दैवत्वाच्या चौकटीत अडकलेली स्त्री न मांडता, माणूस म्हणून तिला समजून घेण्याचा प्रयत्न या पुस्तकातून केलेला दिसतो. अशाप्रकारे ऐतिहासिक, सामाजिक व मानवी अंगांनी स्त्री-अनुभवांचे अर्थपूर्ण दर्शन घडवणारा हा ग्रंथ अभ्यासक, विद्यार्थी व रसिक वाचकांसाठी निश्चितच मार्गदर्शक ठरेल.

लेखक. सौ. प्रमिल वसंत कुलकर्णी 
प्रकाशक. वरदा प्रकाशन