Rao (राव)

प्रतापराव गुजर! हे एका शिवाजी महाराजांच्या स्वामीनिष्ठ सैनिकाचे नाव! आपल्या कर्तृत्वाने सामान्य सैनिकापासून स्वराज्याच्या सेनापती पदापर्यंत पोहोचलेला बेदरकार, शत्रूला जेरीस आणणारा लढवय्या! कांचनबारीची लढाई, साल्हेरची लढाई जिंकणारा, उमराणीच्या लढाईत बहलोलखानाला पाणी पाजणारा, सुरतेच्या अधिका-यात दहशत निर्माण करणारा असा हा रणझुंजार, बेडर, वीरपुरुष प्रतापराव! तो जसा लढला, तसेच आपल्या सात स्वारांना घेऊन बहलोलखानाबरोबरच्या लढाईत वीरमरण स्वीकारलं, त्यामुळे तो चिरंजीव झाला. इतिहासात अजरामर झाला.